ADAM setter skapet på plass!

Om arrangementet

Med skyhøge hælar planta stødig i scenegolvet tek Adam føre seg stoltheita ved å være førti, femi og mann!

Som homo føler eg at eg står forvirra midt oppe i den klassiske mannlege 40-årskrisa, men brukar kvinneleg mentalitet til å takle den. Den kvinnelege delen av meg har løpetights som kvardagsantrekk og starta med yoga for å finne seg sjølv. Den mannlege delen derimot kjenner på trongen til å gjennomføre Birken, være singel og sniffe kokain på utestadar saman med 25-åringar. Sidan testosteronnivået hos menn visstnok går nedover etter fylte førti, er eg oppriktig bekymra for at eg no skal bli stadig meir homo for kvart år som går. Det er utruleg slitsamt å skulle vakne opp kvar dag med ein trong til å synge musikallåtar, når det som kjem ut minner meir om noko frå siste albumet til Mayhem. Berre fordi eg prøver å reise meg opp av senga.