• Kinoplakaten
• Kulturplakaten
• Programoversikt
• Filmar som kjem

Hvem er redd for Virginia Woolf?

Stjernelag i verbal boksekamp

Den Oscarnominerte regissøren Petter Næss står i spissen for eit kunstnerisk stjernelag når Riksteatret set opp eit av etterkrigstidas mest kjende teaterstykker. Anette Hoff, Ingar Helge Gimle, Nils Jørgen Kaalstad og Marian Saastad Ottesen er alle kjende frå TV, film og teater. No får dei bryne seg på kvarandre i denne styrkeprøven av ei framsyning – med spesialskrevet musikk av Nils Petter Molvær.

Med svik og sex, jævelskap og humor, krig og fest har Hvem er redd for Virginia Woolf? blitt verdas mest berømte nachspiel. Fasaden raknar, livsløgnen sprekk, og linja mellom hat og kjærleik er syltynn når ekteparet George og Martha inviterer det yngre paret Nick og Honey heim på fuktig etterfest.

Hvem er redd for Virginia Woolf? var ein av regissør Petter Næss si første teateroppleving, og ein utløysande faktor i hans val av karriere. - Stykket er ei perfekt forening av full krig og full fest. Det er fascinerande kor grusomme mennesker som elskar, kan være mot kvarandre. Denne gjenkjenneligheita i stykket gjorde meg nysgjerrig på mennesket, og var ei inspirasjonskjelde tidleg i livet til at eg ville jobba med teater, seier Næss. Den ubehagelege kampen mellom George og Martha har vunne både Pulitzerprisen og den amerikanske teaterprisen Tony, og filmversjonen med Elizabeth Taylor og Richard Burton i hovudrollene vant fem Oscar i 1966.

Framsyninga varer 2t 15min. Inkludert pause.

Med Anette Hoff, Ingar Helge Gimle, Nils Jørgen Kaalstad, Marian Saastad Ottesen.

Av Edward Albee. Oversett av Peter Magnus. Bearbeidd av Petter Næss. Regi: Petter Næss. Scenografi/kostymedesign: Leiko Fuseya Skjærven. Musikk: Nils Petter Molvær. Lysdesign:Torkel Skjærven. Lyddesign: Erik Hedin. Maskedesign:Helge Bjørnå. Dramaturg:Tine Thomassen.